1) Lasterketan izena ematea pertsonala eta besterenezina da, eta araudi hau onartzea dakar. Parte-hartzaile guztiek araudi honetako artikulu guztiak onartzen dituzte, eta konpromisoa hartzen dute irteera unea baino lehen ez hasteko eta helmuga-marra zeharkatu aurretik distantzia osoa osatzeko.

2) Izen-emate guztiak ekitaldiaren webgune ofizialaren bidez egingo dira. Izen-emate guztiak ekitaldiaren webgune ofizialaren bidez egingo dira eta 25 euro ordaindu beharko dira.

• a) IZENA EMATEA

  Izen-emateko epea 2026ko urtarrilaren 29tik otsailaren 6ra izango da, webguneko inprimakia betez.

• b) ZOZKETA

  Parte hartzeko plazen notario aurreko zozketa otsailaren 12an egingo da. Aurrez izena eman duten pertsona guztien artean zenbaki bat zozkatuko da, eta zenbaki hori dutenek eta ondorengo korrelatiboek parte hartu ahal izango dute, kupoa bete arte. Plazak bete ondoren, hurrengo zenbakiak erreserban geratuko dira.

• c) ORDAINKETA

  Zozketan aukeratutako pertsonek 25 euroko ordainketa otsailaren 13tik 19ra bitartean egin beharko dute. Bildutako diru guztia osorik Haszten elkarteari (www.haszten.org) emango zaio; elkarte horrek dibertsitate funtzionala duten pertsonen bizi-kalitatea hobetzea du helburu, kirolaren eta jarduera fisiko inklusibo eta egokituaren bidez.

• d) BEHIN BETIKO ZERRENDA

  Behin-behineko zerrenda otsailaren 20tik aurrera egongo da eskuragarri. Otsailaren 21etik 23ra bigarren epe bat irekiko da, zozketan aurrez hautatuak izan arren izen-emateko baldintza guztiak bete ez dituzten pertsonen hutsuneak betetzeko. Parte-hartzaileen behin betiko zerrenda otsailaren 24an argitaratuko da.

• e) IZENA EMATEA BERTAN BEHERA UZTEA

  Ez da inolaz ere izen-ematea bertan behera uzteko edo dirua itzultzeko aukerarik izango. Izen-ematea formalizatu ondoren, ez da ordaindutako zenbatekoa itzuliko, inolako arrazoirengatik ere, ezta ezinbesteko kasuengatik proba bertan behera uzten bada ere; halakotzat joko dira agintari eskudunek ekitaldia etetera behartzen duten egoerak..

3) Underrun lasterketa adin nagusikoentzat (18 urte edo gehiago) da.

4) Lehiaketa metroko tuneletan egingo da, desnibelak eta seinaleztatutako oztopoak dituen ingurune batean. Martxoaren 29tik 30erako gauean egingo da, eta bi ibilbide izango ditu:

• Ibilbide klasikoa – 7,8 kilometro

  Irteera Moyua geltokitik izango da eta helmuga Ansion, honako geltoki hauek zeharkatuz: Moyua, Indautxu, Santimami/San Mamés, Deustu, Sarriko, San Ignazio, Gurutzeta/Cruces eta Ansio.

• Ibilbide berria – 10,2 kilometro

  Irteera Basarrate geltokitik izango da eta helmuga Ansion, honako geltoki hauek zeharkatuz: Basarrate, Santutxu, Zazpikaleak/Casco Viejo, Abando, Moyua, Indautxu, Santimami/San Mamés, Deustu, Sarriko, San Ignazio, Gurutzeta/Cruces eta Ansio.

5) ) Lasterketa egun horretako metro-zerbitzuak amaitu ondoren hasiko da. Segurtasun-arrazoiak direla eta, irteera modu mailakatuan eta taldeka egingo da. Talde bakoitza Metro Bilbaoko langile batek eta kirol-arloan erreferente den pertsona batek lagunduta joango da.

6) Dortsalaren eta lasterketako poltsaren banaketa noiz eta zein ordutan egingo den antolakuntzak aurrerago jakinaraziko du.

7) Derrigorrezkoa izango da dortsala, probako kamiseta ofiziala eta egun berean banatuko den aurreko linterna eramatea. Antolakuntzak eskubidea izango du kamiseta, dortsala eta linterna behar bezala eta ikusgai daramatzatenak ez diren pertsonak lehiaketatik kanporatzeko.

8) Lasterketa Metro Bilbaoko langileek kontrolatuko dute.

9)Antolakuntzak korrikalariei gomendatzen die probaren aurretik azterketa medikoa egitea, parte-hartzaile bakoitzak kirol-jarduerak dakarren arriskua bere gain hartuta.

10) Antolakuntza eta Metro Bilbao S.A. erantzukizunetik salbuetsita geratzen dira lasterketan parte hartzearen ondorioz sor daitezkeen kalte eta galerengatik, pertsonalak edo fisikoak barne, izan parte-hartzaileak berak jasandakoak, hirugarrenei eragindakoak edo hirugarrenek eragindakoak; parte-hartzaile bakoitzak bere gain hartzen du parte-hartzeari lotutako arrisku guztien erantzukizuna.

11) Antolakuntzak eta Metro Bilbao S.A.k ez dute parte-hartzaileen objektuen galera, lapurreta edo ebasketen erantzukizunik hartzen.

12) Parte-hartzaile guztiek, proban parte hartzeagatik, ekitaldiaren antolatzaileek jarritako kirol aseguru bat izango dute.

13) Parte-hartzaile guztiek, proban parte hartze hutsagatik, araudi hau onartzen dute. Araudi honetan aurreikusten ez den guztia F.A.G.ren 14. Araudiaren arabera ebatziko da.

*“Antolakuntza” aipamen oro ALAIKI ZERBITZU GIZAKULTURAK, S.L. enpresari dagokiola ulertuko da, ekitaldiaren antolatzailea baita.

Gogoratu lasterketa esperientzia paregabe gisa planteatzen dela, alderdi lehiakorra bigarren maila batean utziko da.